Waterstoff as Drievmiddel för Lastwagens
De Flooghaven Hamborg will sik insetten, an den Bruuk vun Waterstoff as Drievmiddel för Fleegers to forschen – dat schall de Ümwelt schulen. Man ok op de Eer warrt düsse mehr ümweltfründliche Technologie vörandreven: In Niemünster hett en Waterstoff-Tanksteed för Lastwagens de Dören loosmaakt.
In Gang - Bernd Dittmer ut Loonborg
Bernd Dittmer hett sik ingraavt in de Historie vun den Warentransport per Binnenschipp. Ehrenamtlich arbeidt he mit in dat Elvschipperiearchiv in Loonborg. En niege Folg ut uns Reeg "In Gang" vun Marie Sophie Koop.
25. Doodsdag vun Friedrich Hans Schäfer
Shakespeare un Villon hett he in’t Plattdüütsche bröcht, egen Höörspelen un Prosastücken lepen in’n NDR un worrn veelmals priesbelohnt. Vundaag is dat 25 Johr her, dat Friedrich Hans Schäfer dootbleven is. Wokeen sik för de högere plattdüütsche Literatur interesseert, kümmt düssen Naam nich vörbi.
Saneerarbeiden an’n Füertoorn Westerhever afslaten
De Saneerarbeiden an den Westerhever Füertoorn sünd torecht. Siet Juli weer he för Saneerarbeiden inrüst wesen. Nu strahlt he wedder frisch anstreken, schöön in root-witt.
Wohrschuustreik bi Stratenmeesterien
De Stratenmeesterien in Neddersassen, Bremen un Sleswig-Holsteen sünd vundaag in en Wohrschuustreik gahn. De Oproop to streiken gellt för Mitarbeiders vun de Lannsbedrieven för Stratenbu un Verkehr siet Middernacht.
Mitsnackers in'n Ruum Eckernföör
Dat is en Thema, bi dat Öllern jümmers kribbelig warrt - nu wedder passeert in de Gegend vun Eckernföör: Frömme Mannslüüd in en witten Leverwagen hebbt Kinner anspraken un versöcht ehr in dat Auto to locken.
Finanzministers dreept sik in Berlin
Güstern hebbt sik de Weertschopsministers vun de Bunslänner mit Bunnsweertschopsminister Robert Habeck in Berlin drapen. Habeck will an grote Investitschonen fastholen. De sleswig-holsteensche Weertschopsminister Madsen harr sik handfastere Tosagen wünscht.
Tafeln fehlt Levensmiddelspennen
De Tafeln in Sleswig-Holsteen kriegt jümmers weniger Levensmiddelspennen. Enige künnt dorüm keen niegen Kunnen mehr opnehmen.
Scholz gifft vundaag Verkloren to Huushoolt af
Vundaag (28.11.2023) snackt Olaf Scholz in’n Bunnsdag to de Huushooltslaag. De Kanzler mutt tohoopbringen, wat nich tohooppasst, anners dreiht noch mehr Wählers de Ampel un överhööft de Politik den Rüch to, sünd sik Kommentatoren seker.
Wöörkist - Vun Gaten, Straten un Twieten
“Wöörkist” heet de Rubrik, bi de wi uns mit den rieken Schatt vun de plattdüütsche Spraak uteenannersetten doot un in de wi juuch deelhebben laat an de Prozessen un de Methodik, mit de wi den Spraakutbu bedrievt. Sodennig: Woans wi Platt fit maken wüllt, üm komplexe Inholden vun hüüt so uttodrücken, as dat anner Spraken ok doot. De Wöörkist wiest juuch uns Warktüügkasten.
Jan Lindenau winnt Steekwahl in Lübeck
In Lübeck gifft dat na de Wahl güstern en niegen Börgermeester, de de ole is: Amtsinhebber Jan Lindenau vun de SPD hett de Steekwahl üm dat Börgermeesteramt wunnen.
Weniger Bedriev op Karkhööv
De Karkhoff kümmt ut de Mood. Graffplätz blievt leddig. Dörper un Städer in Sleswig-Holsteen söökt na Ideen för mehr Leven op den Dodenacker.
Landdag will Sünnervermögen för Flootschadens inrichten
Mit en Sünnervermögen will de Landdag Schadenlieders an de Oostsee wedder to Gang hölpen.
In Gang - Heimatkunn mit Grootvadder sien Biller. Hans Hermann Storm ut Rendsborg
Vun Falligen, Mull un Ringrieden - Hans Hermann Storm ut Rendsborg bericht över dat Leven op't Land in ole Tieden. En niege Folg in uns Reeg "In Gang" vun Dörte Riemer.
Razzien gegen Hamas un Rieksbörgers
Güstern geev dat in Düütschland Razzien bi wohrschienliche Ünnerstütters vun de palästinens’sche Terrorgrupp Hamas. Üm un bi 500 Polizisten weren in Gang in Berlin, Noordrhien-Westfalen, Neddersassen, Hamborg un ok bi uns in Sleswig-Holsteen.
Ladenhannel verwacht swoor Wiehnachtsgeschäft
Na de Problemen in de Coronatied geiht de Ladenhannel ok in düssen Winter nicht dorvun ut, ehr Ümsätz utbuen to könen. De Folgen vun den Krieg in de Ukraine un de Inflatschoon harren dat Vermaak vun de Lüüd, Geld uttogeven, nich vermehrt.
Personalnoot bi Kanalfähren
Mit den Bu vun de Noord-Oostsee-Kanal weer vermaakt, dat de Minschen an wisse Steden mit Verlaat na de anner Siet bröcht warrt, so dat de Waterstraat dat Land nich klöövt. Mehr as hunnert Johr later bleiert dat Konzept. De Dwarsverkehr kann nich mehr bemannt warrn.
Finanzministersch Monika Heinold to Huushooltsnootstand
De Bund dörf nich över en Nadragshuushoolt för 2021 Geld ut den Corona-Fonds in Klimaschuul-Projekten rinsteken. 60 Milliarden liegt siet dat Oordeel vun’t Bunnsverfatensgericht vun vör een Week op Ies. Dat warkt ok in op Sleswig-Holsteen. De Swatt-Gröne Lannsregeren will en Huushooltsnootstand beslüten. De FDP snackt vun Trickserie.
Presskiek to Huushooltsoordeel
Dat Oordeel vun dat Bunnsverfatensgericht, de Regeren ehr Plaans, Coronanootkrediten in en Klimafond to verschuven, nich to verlöven, is Thema in de Kommentaren vun de düütschen Medien.
Pooldoktors warrt künnigt
De Kassenärztliche Vereinigung Schleswig-Holstein hett wegen en Sotschalgerichtsoordeel to’n 31. Dezember 2023 400 sonöömte Pooldoktors künnigt. Dat sünd Doktors, de in’n Rohstand sünd oder Bunnswehrdoktors un Doktors, de in Deeltiet arbeit un sik as Praatheitsdoktors in Anlooppraxen to Verfögen stellt. Folgens dat Oordeel kunnen se tokamst ünner de Plicht to de Sotschalversekern fallen. Een Bidrag vun Marlen Hildebrand, NDR op plattdüütsch vun Dörte Riemer
