In Gang - Kappelnpriesdregersch Heinke Hannig ut Drelsdörp
Mit Lyrik hett se nix an'n Hoot. Autorsch Heinke Hannig ut dat noordfreesche Drelsdörp warrt mit den Kappelner Literaturpries sünnerlich för ehr Hörspelen utteekt. In en niege Folg vun uns Sennreeg snackt wi mit ehr över ehr Huus, över ehr Schrieven un över dat, wat glücklich maakt.
PLATTRADIO bericht över relevante Schehnissen in Welt un Region, un wenn Anfang November an de Slie de Nedderdüütsche Literaturpries vun de Stadt Kappeln vergeven warrt, denn höört för uns ok dat dorto. Düt Johr to’n 32. Mal warrt he utdaan. Heinke Hannig heet de Priesdregersch. Se hett sik sünnerlich en Naam maakt mit Höörspelen. De Kolleeg Jan Graf is henföhrt na Drelsdörp in Noordfreesland un hett ehr för uns Sennreeg “In Gang” besöcht. Heinke wahnt siet en Reeg Johren in en lütt Kaat mit Reetdack, woneem binnen en Füer in’n Kaminaven gnistert un ümto en groten Krüder- un Gröönsakengorrn töövt, dat Harvst un Winter vörbi gaht. Klick in ehr Bild rin un höör Di uns teihn Minuten langen Klöönsnack mit ehr an!
